منتديات الكاهلي زيدان
مرحبا بكم هنارابطة شباب قرية الكاهلي زيدان

منتديات الكاهلي زيدان

منتدى قرية الكاهلي زيدان شرق مدني في قلب البطانه
 
الرئيسيةاليوميةمكتبة الصورس .و .جبحـثقائمة الاعضاءالمجموعاتالتسجيلدخول
المواضيع الأخيرة
» عبد الله بن الزبير بن العوام اول مولود بالمدينه
الثلاثاء أكتوبر 09, 2012 2:50 am من طرف محمد ابراهيم حموده

» دوبيت ومسادير البطانه
الثلاثاء أكتوبر 09, 2012 2:41 am من طرف محمد ابراهيم حموده

» مرحبا بكم
الأحد أبريل 01, 2012 4:32 am من طرف يوسف كيكل

» الف مبروك صديق السيد ومحمدالحسن
الجمعة سبتمبر 09, 2011 10:24 am من طرف يوسف كيكل

» اخر اخبار القريه
السبت أبريل 30, 2011 8:43 pm من طرف يوسف كيكل

» كل عام وانتم بألف خير
الثلاثاء نوفمبر 16, 2010 3:12 am من طرف يوسف كيكل

» انصار السنة في القري ومدي القبول والرفض
السبت سبتمبر 25, 2010 11:43 pm من طرف ابو نزار

» السلام عليكم
الأحد سبتمبر 19, 2010 2:46 am من طرف ودالدابي

» رمضان كريم
الجمعة سبتمبر 03, 2010 3:42 am من طرف يوسف كيكل

بحـث
 
 

نتائج البحث
 
Rechercher بحث متقدم
ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
منتدى
منتدى
التبادل الاعلاني
احداث منتدى مجاني
شاطر | 
 

 دوبيت ومسادير البطانه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
يوسف كيكل
Admin


عدد المساهمات: 83
السٌّمعَة: 0
الموقع: السودان
تاريخ التسجيل: 16/03/2010
العمر: 34

مُساهمةموضوع: دوبيت ومسادير البطانه   الجمعة مارس 26, 2010 12:41 am

قال إدريس ود علي في البطانة:
دي بطانة أبعلي العند الشعور مفهومة
شرطاً للبدورها محنضلة ومسمومة
كم لله فيها مفقشين هام رومة
بالدم والرمم لا عند جزم موسومة
**
حسان وابعلي واب سن حدار الجار
كاتلين عز مكوك كم بردوها الدار
من الهايكوته لي البلد ابو قنا وصغار
ما خلوها نية تتقلب للنار
***
وقال العاقب ود موسى العشيابي في الفخر:
نحن نسوي لكن ما بنقول سوينا
نحن نفرتق الكرنة ام صفوف بايدينا
الزول البضيف عدم الشراعة علينا
يفهم مني ويسأل من توارخ النينة
**
نحن الود لبونا بشيل حمول النائب
تصرم عندنا القحية البصيبها الصائب
نحن اولاد شكير جور نالنا كلو نقائب
ديمة نلولي في المحن الكبار وغرايب
وقال ود عبشبيش يخاطب البطانة:
بندق فيك نحاساً من قديم راجينا
فيه خيولنا عارضات كيه للمابينا
كان ما تجرتقك دماً علوجه سمينة
لا تجيبي لنا حنتوت يا ام هواياً زينة
***
حليل اهلك حليل البردوك قبيل
دا هجين المقادير بي مرور الخيل
قبال التصاويت والبهادل ديل
ما شافو الاضافر في جوامع السيل
امثلة من شعر وصف البطانة وما فيها من نعم وامطار:
برز الحاردلو في انشاء الصور الجميلة للبطانة عندما تهطل الامطار عليها وتتزين الارض وتنتعش الانعام والناس والطيور قال في ذلك:
الشم خوخت بردن ليالي الحرة
والبراق برق من منه جاب القرة
شوف عيني الصغير بي جناحه كفت الفرة
تلقاها أم خدود الليلة مرقت برة
***
الخبر الأكيد قالوا البطانة اترشت
وسارية تبقبق با الصباح ما انفشت
هاج فحل أم صريصر والمنايح بشت
وبت أم ساق على حدب الجميل اتعشت
**
برق القبلة شال شالت معاه بروق
ختت له أم رويق عم السحاب من فوقو
العفرت رحل يبكي ويسوي القوق
والضحوي اتردف ليله ونهاره يسوق
***
البارح بشوف يشلع بريق النو
وحس رعاده يجرح في الضمير كوكو
داك طير القطا الدور مشارع الهو
وفرقان البطانة اتماسكت بالضو
***
وقال ود جماع البطحاني يخاطب البطانة:
الموت يا أم هبج صقاره تابع خيلك
الا كرمية ما بتجوعيه دخيلك
رب العزة بي وابل المطر ساخي لك
السحي والمغيريط والصغاري نخيلك
***
نعمك كس في الهبجة التناها مهيق
براقك بيقدح وهمبريبة يقيف
بهم ربلك مجدع يا الفضاك مو ضيق
علاوك مزرقن وشرفه نيله مزيق
***
وقال ود نابل البطحاني:
الموت يا أم هبج فيك بالكوار مو صدفة
وما ببنكر عليك يوم تفتحي لك ضلفة
مرية فيك بتطيق العمار الخلفه
مطروحة جناحك طرفه وطن حلفا
وقال شاعر آخر:
برقك قلع السارية أم سحاباً صاح
ونعالك سكت من الهواء اللحاح
رعدك رز في المطرة التقيلة وقاح
وبارك لاقي شمس الغيبة باكر زا
ح


عدل سابقا من قبل يوسف كيكل في الجمعة مارس 26, 2010 1:07 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kahlzaidan.my-goo.net
يوسف كيكل
Admin


عدد المساهمات: 83
السٌّمعَة: 0
الموقع: السودان
تاريخ التسجيل: 16/03/2010
العمر: 34

مُساهمةموضوع: رد: دوبيت ومسادير البطانه   الجمعة مارس 26, 2010 12:43 am

كلمات في الغزل


لَيه يا رَاغِي تَصْرُفْ للحَدِيسْ تِتْأَبَّى
وخَدَكْ فَوقُو إِعْجَابْ النَمِيمْ إِنْكَبّ
يا ال هَافَكْ قَسَمْ اعْضَاكْ وسَدْرَكْ شَبَّ
غَيَّكْ قَاشِطْ الشِرْيَانْ مَالِيه مَحَبَّه

بشوف القبلي يسوق سحبا تقال قلاهن
زكرني الجسوم النعمن مولاهن
الخلاني مابقبل نميمي ببلاهن
ريدن حل محل دمي وعروقي ملاهن

ويعجبني جدا مربوع لاحد شعراء البطانه يوصف فيه وجه حسناء
خيم عليها الحزن يقول


ليل الغمه هوّد والبروق اتّالن
دموع الوجعه جن زي السحابات شالن
ملن قرب العيون لكنهن ماسالن
مومن قلهن بس في العيون ماخالن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kahlzaidan.my-goo.net
يوسف كيكل
Admin


عدد المساهمات: 83
السٌّمعَة: 0
الموقع: السودان
تاريخ التسجيل: 16/03/2010
العمر: 34

مُساهمةموضوع: رد: دوبيت ومسادير البطانه   الجمعة مارس 26, 2010 12:49 am

مسدار الصفية
للشاعرحسن التوم

::::::::::::::::

قومتو خفيفة من ميسو خاتي العترة
و نيتو الراحة عند البي العروض منسترة
يا من ليهو جانب و شيخي سامع النطرة
من العاقة و العطلات حواك أبو شتره

******
قبة طلحة و الكمر الجنيتو سكارى
حالا وخرو أب دومتاً نبع قطارة
اتغنلي و وسع رأيو و عملو فجارة
خف يطفر بي لفحة توبي منو بصارة

******
شافع العاصي و النور الظهر في بارا
تجمعلو شملي بي المي متقززة و كوبارة
الخلانا أنا و إياك تملي سهارى
نشيق حتة الحضري الجبابره تجارة

******
تريسات المشاتيح الكتيوي عقبهن
خف عمراتو بالمطروح و شد طربهن
شيو ستات مرادي الأصلو صافي نسبهن
إنت مذهللك و أنا تب طباعي خربهن

*******
قبض السكة جافل لافخ أم مرجوم
تقول شاربلو انشا و فارع المتموم
مبيتنا الليلة عن ست الحشا المبروم
أنظر فيها و أبصاري الساهرة تنوم

*******
أداهن شمالو حفايراب فكرون
قال مرواحنا تيلاد اللحو مضمون
يتحقق انسنا الليلة يا ب شنشون
مع حاكم الدول و الجوهر المكنون

******
أيد أبو ميكح الأعول المهندس بارا
قطعها وقفي غير سوقا كتير و كشاره
تيلاد ماصع الصيف الجنيتو بطارى
كان ما تانسو نمي وكض علوقي خسارة

******
من دعت المطيمر كش و صر سماعتو
عارف الليلة عن ناقي الطبائع راحتو
خف يا ب شترة خاف فور العلوق و قطاعتو
واغل بي السحي الماشف نظيرها سماحتو

******

جا باري الطريق من المطيمر وقفي
داير فيك يا النقاز سراعة و خفة
شيوم الفيهن الصحة مني تلفها
منو خاشش و في النهار بتدفى

*******
قطع بي الهواد و حش الضهيرة الفاز
نشفان عرق غير محجمو النزاز
تيلاد ماصع الصيف السموح و عزاز
نيتي الأنس معاهن بدري يا النقاز

*******
أيديك خفهن قبل الشمس ما تطيح
محاجمك خسرن عاج الرسن بالقيح
يقن و سوي (فورفورت) النصارى صحيح
أتواقد متل نار الغباش في الريح

*******
عقب النالة و الجبل المباني حجارو
طري فور العلوق عند اللكني قمارو
القابض مزمات قلبي بي دردارو
لسع غادي يا النقاز و أمسى نهارو

********
اتجمع بعد ما شاف ودي أتبره
زاع بي تنيتو هاش و استعزى قطع الوبره
شيوم الليهو تشريفات بفرضو الحبره
فرمت جوفي بالهاري السنين مو طبره

*******
قفاك جمامو فوق عاج المفقر بشي
كفك غايسة الأرض القديمه نفشها
تيلاد ماصع الصيف السراري كفشها
نيتي الليلة في كزيم براطمو أتعشى

*******

داك وادي الكتر يا أب تقزة تاوت دحك
بعيد الليلة توتال العليهن لحك
كان ما تسخى ها الليلة و تكمل صحك
أديك أي واحد أقول رصو مرحك

********
ما أحسبك تدور لي الذل و تكسب كدري
كنت تبيعني لي أهل المراحيك بدري
الصي المفاسح فيهو واسع صدري
كم لله هاجم بيك عظيم القدر

********
وخر ود بشارة و الودي مسعود
طري ست ريدي و كمل المجهود
إنت كاتلاك شيوم ست الصبا المعنود
و أنا جنتي كريم البراطم السود

********
هدهد في الدحيح تدري المصنة النادر
قنب يحاكي في الجامن رواينو مبادر
برد و سوى رش قمري المتله السادر
من العين محوي الجليل عبد القادر

********

هادي الخاسة جاتك يا معرص جارة
واقل الفقدو قرشني الحناضل الماره
مدادات الدوايات من محاجمك خارة
لي شوف ملكة الدول أم عساكراً فاره

********

طلع الشيخ نعيم طربن مسارعك و فارن
شيشك برد الهوى منو عيني طارن
الخلاك جمامات قفاك بتجارن
اللهطه و مواقله الضميرو ممارن

********
اتجمع بعد ما سو ورا أبو سعيفة
غايد و قصر السكة الوطاطا نضيفه
يا شيخ طرقي و الواجبلو كلو قطيفة
فوقك يا أي حركة غير سواقة خفيفه

********

داك حجار عطا أبيار الدريشاب شافه
فوقك جار أبو و أسياد محبتي كافة
اللحماها ما يروح من عضامي نشافها
نوناي المليليك أب عساكرن صافة

*******
ساهو صعيدو دكان المربعن وعدو
ناطح الأصفى من ضو الكهارب خدو
توتال السحي الوقف الشباب عن حدو
داك إياهو هاك رسنك ضراعك سدو

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]


عدل سابقا من قبل يوسف كيكل في السبت أبريل 10, 2010 12:54 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kahlzaidan.my-goo.net
يوسف كيكل
Admin


عدد المساهمات: 83
السٌّمعَة: 0
الموقع: السودان
تاريخ التسجيل: 16/03/2010
العمر: 34

مُساهمةموضوع: رد: دوبيت ومسادير البطانه   الجمعة مارس 26, 2010 1:00 am

مسدار قوز رجب

الصادق حمد الحلال
*********

شَدَّيتـــو رِكِبْ مِن قـُــــــوز رَجَبْ باكْريَّة

نَفَى شَنْشُــونو* واتْلحَّضْ بَلا الغَازيـِّــــــة*

اسَلَّكْ فيــــهو لامِنْ وَخَّر الظَبْطيـّــــــــة

هَسـّــــعْ حَاكَى لي المِنْ كوستي شََال نَقْليــة

_____________
الشنشون : مايتبقى من الشعر بعد الجز .
اتلحض : من لحض " لحظ " نظر بمؤخرة عينه يمين ويسار .
الغازية : الفاجرة

*******

تيس القُنـَّـــة دَعْدَعْ بي الكَربْ واتْشَابَـــــى

قَطـَـــعْ البَاحْ* مِغَبِى بِي وهَسَــــالُو* رَبَابَة

تَبْقَى عَليهـُــو جَافِلْ مِنْ قِمِيــــــرى الغَابة

اهَجِم بِي البِقَطَّـــــعْ في البِطـــونْ سَاكْلَابَا*

_____________
دعدع : اسرع في سيره .
الباج : أي الباحة وهي الساحة أو الفضاء المتسع .
الهسال : الرسن ، والمعنى المراد أن هذا الجمل من فرط
نشاطه شد رسنه وجذبه حتى صار وكأنه وتر الربابة .
الساكلاب : الخنجر المعقوف .

*********

اجَفَّـــلْ بَعَدْ وَخَّرْ حِليلــــــةْ القُـــــوزْ

قَفَاكْ الحِرْتَــــــة والمجمـــوع رَمَاهِنْ جُوزْ

يَاتيس قُنـَّـــــة اسْكُتْ اسْتَعِدْ لـــــي القُوزْ

نيِتـِّــــــي اكـَـــزِّمْ* الرُّطَبْ الحَلايِن مُوزْ

________
اكزم : اقبل

********

لَفَخْ السَّمْــــرَة* وادَّلى الــــوِعيرْ* مِنْ ضَوْ

رَدَفْ الزَّرعَــــــة* واتْصَعَّدْ هَبُوبْ الْهَـــوْ*

اُنْس الغيـــــرَا مَالَى في الشبابــــــات هَوْ

خَلَّتْ ريقِـــــي قِرْقِدَّه* ولِهَاتـِـــــي " كَرَوْ "

____________
السمرة : نوع من الشجر جيد الخشب يشبه السلم .
الوعير : تصغير وعر ، صعب المسالك .
الزوعة : ضرب من جري الإبل .
الهو : الخلاء . القرقده : الجلد الجاف .

********

سَروبـَــاتْ قُوز دَريش* جَاهِنْ جَريدُو مَشــوِّرْ

اتْعَقَّــــــلْ بَلا العَقَـــــبْ الرَوينَةْ* مدَوِّرْ

لَتيَبةْ المِدْلـِــــقْ* التوريقُــــوْ* نَالُو يدَوِّرْ

امْسَــــى جِرَاحَوْ مِنْ لَمَعـِــي البِروقْ مِتْعوَّرْ

_______________
سروبات قوز دريش : السروبة هي شجرة الطندب
وقوز دريش اسم لمكان معلوم قرب قوز رجب .
الروينة : جمعها روائن وهي مجموعة وسرب من الحيوانات .
المدلق : مكان جريان الماء .
التوريق : عمود الساقية .

*********

داؤدْ والطُّــــوالْ* جَاهِنْ يِسَـــــوِّي وَليلْ

عُسَّابْ السِّجَــــارْ يـِـــــزيدُو جِنْ وجَفيلْ

هَجيمْ دِكَّة المُـــــوشَينْ وطَبعـــــوْ رَزيلْ

خَلَّى قَفَـــــاكْ يدَفِّقْ في الــــزَراقْ ؤيسيِلْ

_____________
داؤد و الطوال : اسماء مناطق

*******

تَقَّايْ* المَفّلـــــخْ* شِلتُــــو فِي مُشوارَكْ

جُوطْ وإجّــــوجَى* لاَ سَهَّــــعْ بَعيدْ مُتْرارَكْ

قَالْ لَيْ الهَسَـــالْ كَانْ تَرْخــــي مِنُّو يَسَاركْ

بوريـــــكْ ادْعَجْ* النَقَعْ الفَتَـــقْ نَوسَارك*

______________
تقاي : جمع تقية " تقه " وهي قطعة الارض
تترك خالية من الزراعة لحفظ المحصول .
المفلح : الوادي الذي تتعدد مسالكه واقسامه .
واجوجى : سر بعزه وتفاخر .
الادعج : شديد سواد عين مع اتساعها .
النوسار : الجرح أو المرض والهزال ،
والمقصود هنا مايسببه الحب من سقم وضعف .

*******

المَارينبَــــــة* قَافَاهَا وقَبـــضْ لُوْ بُطَانَة

جُوطْ وإجّـــــوجَى عرف أُم ريد بَعيــدا إدَّانى

عَلي سِتْ الْحَيـَــــــا الخَاتِـي الشَّرَازَة لِسَانَا

امْسَى يِحَاكِــــى عَجَل الزَّادْ لَهَــــا قُبْطَانَا*

______________
المارينبه : قلعة تقع في وسط البطانة .
القطبان : المقصود هنا هو سائق القطار .

********

اُم بُتَّيـــــــخْ* بَدَتْ تحتْ الـــرِّهابْ الطَّالعْ

جَاهَـــــا يَحاكي في الشَّايـِــل شُحُنْتو وقَالعْ

واغلْ الفَرُّو زَيْ بَــــرقْ الصَّبيبْ الشَّالـــعْ*

عَطْشَانــــاً علي كمْعَـــةْ* بَراطْمُو مِهَالـعْ*

____________
ام بتيخ : اسم مكان جهة المارينبة .
الشالع : اللامع ، مشتقة من اللمعان والبريق .
الكمع : التقبيل . مهالع : متعجل من شدة الشوق .

*********

ادلَّى ام رَمـــــادَة* وغَايَدْ المَكْســــــورْ

جَرَىْ بِي تنيتـــــو جَافِلْ مِنْ غُنَى البَاصُــورْ*

لَتيبة المِـــــدْلِقْ الجابَنْ مَعَالقُو* مِطُــــورْ*

اهَجِـــمْ دورا قُبَّـــــالْ ديدَبَانـَــا يــدورْ

_______________
ام رمادة : اسم موضع قرب وادي العطشان .
الباصور : سرج الجمل . معالق الوادي : اعاليه .
مطور : جمع مطر .

*********

اجَفَّــــــلْ بَعدْ ما وَخـَّـــرْ العَطْشَــانْ*

تَقول شَرْبَـــــانْ كمنْقَة بيعتَــــرَنُو جِنَانْ

عَجـَــــلكْ تِرُّوْ يا المِقْـــــدِرْ بَعيدَكْ هَانْ

حَوّيتَكْ رِجــــــالْ الله وضَريـــحْ عُثْمانْ

_________
العطشان : وادي العطشان .

*********

عَقَبْ عَطشَـــــانْ عَلى ومُطْمَرْ جَلالَه* الشَّامِرْ

إدَّفقْ بَلا الضُّــــــهرِي* أبْ سِحَابــاً عَامرْ

هَجيـــــمْ دِكَّة الفى عَصــــرُوْ مَالُوْ مقَامِرْ

ايَّا الصبّــــحَكْ مَحنـِـــــىْ وفُؤادَكْ ضامِرْ

____________
جلالة : اسم موضع به مزارع وتكثر فيه المطامير
" المطمورة" هي : مخازن الغلال " .
الضهري : المطر الضهري أي الذي يهطل في وقت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kahlzaidan.my-goo.net
يوسف كيكل
Admin


عدد المساهمات: 83
السٌّمعَة: 0
الموقع: السودان
تاريخ التسجيل: 16/03/2010
العمر: 34

مُساهمةموضوع: رد: دوبيت ومسادير البطانه   الجمعة مارس 26, 2010 1:30 am

مسدار ود جماع
منقول
[size=16][size=16][size=16]
صليت
الصبح بدري ورفعت الهين
قت يا مهون ام خداد اشوفها متين
مشتولة القرير الترقنها اللقنين
بدنيها اب شنق قارح تيوس سرجين

جبدت سيفي ومرق عفشي ونويت بالقومة
وكرب سرجي فوق ضهر الكزازي ابو دومة
قت يالصالحين البكشفو المكتومة
اشوف خد ام سماحتا في البنات معدومة

قت يا من بقيم الليل ويصلي نوافل
باصرتو وقمز فوقو وطفر بي جافل
هضليما سمع كوراك بعد مو غافل
نيتو يماسي عرض الدنقلاوي الحافل

عقب السينجة والحوش البرم سعلوقو
واتعنقل طريفيا نطر عشنوقو
علي بلد القبل قاتل محلق شوقو
سوى تدفق المزر النفنو بروقو

تيس قنة الصي الرزملو بطيني
ترة جرايدو واتقيقم لفخ ناوليني
على بلد السحي الكتر عليهو حنيني
لحض الكلب وخلا الشوف يجر باريني

عراض الدلاليك اللقالو هيوت
ردع الدرب وخلى الواسعة تجري خيوت
على ديفة غنم بية الرمت في ختوت
خلى السرج يعيط نبعن قماقمو حروت

اب خاوية الجناحو بكفت القمرية
شتت خبو واتكرف هوى الباكرية
الزاعباهو بتموح في الجزاير نية
مهرة خيل وفيك ان وقلت وحشية

بعد وخر تميد الفنجري المشكور
جاب جنو ومرق دلعو القبيل مدخور
هفتلو الصبر ديفة العلو الممطور
وقنب يحاكي هجلوبا لقى الطمبور

يا اب قنفة المجازي الفي الرهابة زوالو
وين بلد الحرق دمي ورماني غزالو
مشتول الروى الساقيه الدغش تربالو
قاسم نصو لا عند المتاني حلالو

تيس دبب ام زرازير الرزم تعالو
ود الفادني غز فيهو ولفخ تكالو
على بلد المعذب روحنا والنوم شالو
ترة جرايدو والصي المفاسح كالو

عقبو هوادو تيس العلا اب سيقان
سدرو يعوم وسرجو سفينة الطوفان
على الكنانة درعاة الجزو ام طيقان
بالصي رف واتمرعف دنا السيحان

حفير اب لحظة جاها مدودو العكروت
خايفا قلبو طاير من لسان السوط
على مشتولة الهرف ام شرابا يوت
حرت الكف وقنب بالهويدة يجوط

هكع فوق ودي كبشوالعزاز اماتو
جابلو تدعدعة وقودة ونفض عسراتو
على ام ضوقا مسخ عندي العسل بحلاتو
مصع العردس البطانبن دوماتو

جابلو فجيج بعد ما وخر التاهيت
وردع الفنقة تيس ريلا سمعلو عويط
على الخدادها انضف من دهب فرتيت
ضراعو برف وسرجو بغاني في اب داييت

بقير ود الفقر جاهو اب شنق مزعوب
لحض السوط وسوى تتحتح االمرقوب
بعد ما طارلو بالصي نيب وجنو حدوب
لعب صقرية اب هجبة اللقى الواندوب

داك عقاد سهل جاهو الكزازي برف
يتضرع تقول عوام وصدرو بزف
شيوم العانس المنخرتة ماها ام زف
رق ضميرو ود صهباة عمارة ام تف

ودي الدم بدا وجاهو المعرس فاز
وسوى تشتت الضهري اللقالو عزاز
علي ديفة عفا الصي ام تني وحزاز
لحض السوط ورف اب محجما نزاز
[/size][/size][/size]


عدل سابقا من قبل يوسف كيكل في الجمعة يوليو 02, 2010 3:54 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kahlzaidan.my-goo.net
يوسف كيكل
Admin


عدد المساهمات: 83
السٌّمعَة: 0
الموقع: السودان
تاريخ التسجيل: 16/03/2010
العمر: 34

مُساهمةموضوع: رد: دوبيت ومسادير البطانه   الإثنين مارس 29, 2010 12:36 am

ونواصل


عدل سابقا من قبل يوسف كيكل في السبت يونيو 26, 2010 3:02 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kahlzaidan.my-goo.net
يوسف كيكل
Admin


عدد المساهمات: 83
السٌّمعَة: 0
الموقع: السودان
تاريخ التسجيل: 16/03/2010
العمر: 34

مُساهمةموضوع: رد: دوبيت ومسادير البطانه   السبت يونيو 26, 2010 2:40 am

ضهر الجمعة صليتو وقلب فوق تيسى
كان مربوط يعلق فيتريت مو حميسى
تقديرى ومناى ومظنتى وقييسى
اهجمبو المسمح صورتو رب النيسى


قمز من شايتو بى دلعة وسراعة وعيد
قصدو اليوم يشوف الفوقو دخل الريد
الخلا الهرع يعمل جفيل الصيد
تقيل قدمو ومشيهو ممايحة وسنيد


ود العانس العالى ومسدس حوفو
قام طربان وفرقن بالهويدا كفوفو
تاتاى الفلو العزّل حميرو ودوفو
قصدو الليلة بى روح الشميشة يشوفو


تقاى الدقاق جاهن رميهو شتات
مسك واسع المسافة وشارع العربات
بريبة البجازن ومهرة التابرات
اضمن عندها المرواح علوق ورباط


داك شرف الخويرات الصرفتو يمينك
اسرع يا جمل وادنى السحى الما بـهينك
كان ما يدوس على هرب البطانة متينك
اضمن في المجالس ما بذكرو عنينك


قال لى ضارع الفرقة المنسّل جدو
بوريك دكة الضارب الشباب لاحدو
كان تقدر على رسنى المريب شدو
بدرى الليلة "عِدُّو" بمسكك في
2) 3) 4) 5) 6)يدو


عدل سابقا من قبل يوسف كيكل في السبت يونيو 26, 2010 2:48 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kahlzaidan.my-goo.net
يوسف كيكل
Admin


عدد المساهمات: 83
السٌّمعَة: 0
الموقع: السودان
تاريخ التسجيل: 16/03/2010
العمر: 34

مُساهمةموضوع: رد: دوبيت ومسادير البطانه   السبت يونيو 26, 2010 2:46 am

"شعرا قلتوفيك ياابشنبات براي سطرتو
بعقلي ولساني وبحرفي الاصيل ا مهرتو
كان مابتحق حرفي وتفوتا قدرتو
مابنزل مطرشعري الغزيرفوق حرت
و


عدل سابقا من قبل يوسف كيكل في الأربعاء أغسطس 04, 2010 4:26 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kahlzaidan.my-goo.net
يوسف كيكل
Admin


عدد المساهمات: 83
السٌّمعَة: 0
الموقع: السودان
تاريخ التسجيل: 16/03/2010
العمر: 34

مُساهمةموضوع: رد: دوبيت ومسادير البطانه   الأربعاء أغسطس 04, 2010 2:16 am

الشاعر الدكتور/ محمد بادي
أنــا أخــو الـبـت الـلـكعت قــرن الـخمرة الـنازة
عـــلـــى وردان الــصــبــوة الـــراكـــزة
الـجنيات الهازة .. صدورن لازة ورقّ النص زي خيت الشلة
بــالــحــيـل آ جــــنـــي إيــــــه والله

الــجــنــيـات الـــحــزمــو الــجــبــة
وعـــرق الـشـتـوي عـلـيـهم نــايـا و صــب
قـــول مـــا دل .. رجـــالا حــصـدوا الـحـبة
عــيـشـهـن هـــــادو انــكــال واتــعــبّ
ومــنــو كــتـيـر فــــي الــواطـا انــكـبّ
وبـــاقــي مــصــوبـر واقـــــف قــبــة
الـــحـــمـــد آلاف .. الـــشـــكـــر آلاف
الــــحـــمـــد آلاف الـــشـــكـــر ..آلاف
الــعــيـش الــرقــد أصــنــاف ..أصــنــاف
الــولــد الــكـال.. عـــزام .. حـلاف...ضـيـاف
الــرزق الـجـانا مـدلـة.. الـحـلق الـجـاف اتـبـلة
بــالــحــيـل آ جــــنـــي إيــــــه ..والله

الـــــــوادي الـــجــانــا ..مـــتــرقــن
مــــدّ جـنـاحـو الـطـايـل شــرقـا ..وغــربـا
الـقـبـلي بــروقـو عــلـى الـقـلـعات يـضّـربن
الــــدُكّــــن الـــبِــعــدن قِــــربـــن
فـــوق صـنـقـور الـمـحـلة الـطـالـت ..كــبّـن
قـــــول لـلـمـحـلـة بــيــوتـك ..خــربــن
قـــول مـــا دلـــة.. الـحـلق الـجـاف ..اتـبـلّ
بــالــحــيـل آ جــــنـــي إيــــــه ..والله

مــرحـاتـنـا شــرابـهـن يــــوت ..مــاغـبّـن
شـبـعـانات فــي الـشـقل أب شــوك مــا شـبّـن
الـــحُـــمَّــل ولـــــــدن ..وربّـــــــن
حـلـماتن تـقـلن.. جــرّن.. فــوق سـيـقانن ..كـبّن
الــلـبـن الـعـاتـم فـــي ضـرعـاتـن ..جــبّـن
الـمـغـصـة إن كــــان ضــرعـاتـن خــربـن
الــقـرعـة آ ولــيــد .. الــسـعـن آ ..بــنـيـة
الــقــربـة كــمــان... كــبـوهـا ..الــمـيـة
الـمـغـصـة إن كــــان ضــرعـاتـن خــربـن
شـوفـو الـنـعمة الـسـالت فــوق قـيـزان ..الـرملة
نــــاس الـبـنـدر لــبـن الــشـاي بـالـعـملة
ســـمــح الــخــمـج الــفــوق ..أســيــادو
ســـمــح الـــعــز الـــمــن ..أجـــــدادو
الــجـنـيـات الــمــشـو مـــــا ..عــــادو
كـــــان بـــالــردة أكـــــان ..اتـــنــادو
غـــــرّب حـــامــد وشـــــرّق ..بـــلــة
كـــانــوا بــحـلـبـو الـــضــرع ..الــدلّــة
كــانـوا بـحـضـرو الـخـيـر الـقـدحـو ..مــعـلّا
الــجـنـيـات مـــــا كــفــرت بـنـعـمـة الله
بــالــحــيـل آ جــــنـــي إيــــــه ..والله

ذات فـــي يــوم والـغـيمة تـهـتّف مـطـرا ..نـقّـع
فـــــوق نـــــوار الــطــلـح ..الــفــقّـع
ريـحة الـبرد إن جاتك عطرا فايت خمر الفوق أردافا ..مجضّع
شـفـنـا الــوادي يـقـشقش فــي دمـعـات ..الـلـيل
والــتــعـل الــشــايـل بـــــدا ..يــتـفـقـع
تــلـب حـامـد فــوق مـخـلوفة أب زور ..واتـربّـع
طــلـق الـرسـن أب زمــة وســوّا خـبـيبا بــدّع
هــــــوّد فـــــي رقّـــــاب الـــصــي
لا قــــــــوه ثــــلاثـــة ..زبـــيــديّــة
خـالفين سـيقانن فـوق السنكيت
ورقاب ألبل بيناتن ..مرخيّة
مـحـجـوبـات بــالـخـرز الـفـصـلو ..الـسـومـيت
كـل واحـد درقة وسيف وطبنجية وباقي جرابن مليان دلميت
الـجـنيات اتـقـبلو وضـاقـو الـحـارة وضـاقو ..الـمرة
وكـــــان حـــجــازن صـــقــر الــجــو
حـامـد كــان عـارفـين ضـاقـوه رجــال ..قـبـالكن
شــوفــو أرزاقــكــم أخــيـر مـــن ضـــو
حـــامــد عــــوج الــطـنـدب آ ..ولــيــدات
عــوج الـطـندب نــار الـقصب الـهبلت مـا ..بـتعدلو
شــوفـو شـلـوخـو تــلاتـة مــطـارق ..رقــدن
وكــــل تــلاتــة يـمـيـن ســيـاف ..اتـقـبـلو
حـــبــوب الـــقــارح ... مـــــا دلّــــة
ولــــــدا مــــــا خــتــالـن ..زلّـــــة
شـــــن قـــولــك فــيــهـو عــلـيـك ..الله
بــالــحــيـل آ جــــنـــي إيــــــه ..والله

ويـنـا مـراتـع الـدرت الـباسط دايـما بـبكي ..عـليهن
ويـن بـنوت الـحلة الـبكّر عصرا بدري يسوّن في شاهيهن
بـعد الـليل مـا يـهّود ونحن نهّود.. عاد أماتن ينادن ..ليهن
نمشي على القيزان نتقادم..
أقيس الخطوة مع التاتاي ومشيهن
والله الــبــعـد الــحـاصـل مــــا نــسـانـي
وحـاتـكـن فـــي قـمـراتـنا بـشـوفـو ..وشـيـهن
الا الـنـضم أب غـنـة اللهج الـسـكر ويــن ..بـلـقاهو
بـــنــات الـــريــل الـــــدوب ..لــيــهـن
الـخوف يا ناس كان يبقى الشوق
الحاصل بينا معشعش ..فيهن
مــقــنـع ســـابــل ويـــــن ..بــلـقـاهـو
طـــرفــا ذابـــــل ويـــــن ..بــلـقـاهـو
وعـــيــن بــتـدنـقـر مـــــن والــيـهـن
الـــوجــنــات الـــشــعّــن ..بــــقّـــن
ود الـــعــيــن الـــنــايــم ..زرقـــــــن
مـــــو زايـــــغ رســـيــان ..ومــيــقّـن
زولـــــن كـــــان خــــدران ..ومــحـقّـن
مـــــن الــشــوفـة عـــروقــو يــطـقّـن
كــــــان الــدنــيـا بـــصــح تــتــخـلا
كــنّـا بـركـنـا مـعـاهن فــوق رمــلاة ..الـحـلة
الا كــــمـــان بــنــشــوفـا ..مـــذلّـــة
الــجــنــيـات الـــغــابــت ..جــــابـــت
إنـت الـجيب بـس قـايلو قميص افرنجي وكرتونات ..كرملّة
لا لا وحــــاتـــك حــــاشـــا ..وكــــــلا
ديــل يــوم عــادوا اتـلافـو الـجـاهل بـحقوق ..الله
ديــل كــم لـحـقو الـبـشهق ضـايـق وداوو الـعلّة
الولد الجايب حقايب سفرو تقال..
تقال من جنس كتاب ..ومجلة
الـحكمة الـنضم إيّـاهو الـكان..
الحكمة الولد اتوضا ..وصلّ
عـادة الـبلد الـدخلت فـيهم سـكنت ..
سـكنت ماب ..تتخلا
نــحـن كــمـا طـاريـن الـحـلة ودرنــا ..الـطـلة
نــشــيـلا مــعــاهـم فــرحــة ..ومــيـتـة
حــــلاة الــمــوت كــــان فـــي ..عـبـدلـة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kahlzaidan.my-goo.net
يوسف كيكل
Admin


عدد المساهمات: 83
السٌّمعَة: 0
الموقع: السودان
تاريخ التسجيل: 16/03/2010
العمر: 34

مُساهمةموضوع: رد: دوبيت ومسادير البطانه   الأربعاء أغسطس 04, 2010 2:20 am

[size=21]مجادعه بين الصادق وود شوراني
الصادق


ود شــوراني عيني السهر قبَّـــحَه
ولسنــــات الشمت في يانديم متحَّه
علي عانِس متو اللبى يتلى مني وجحه
سوالك منكب جملي أب جريـــداً دحَّه
ودشوراني :
سمح الشوفة روقة الغمدة مني منحَّه
وأنا يا أب آمنه ما خلتلي توبه وصحه
ذوقه غريزة الحب في ضميري زرحه
هجَّام دوره تر عجلو وخبيرتو رفحَّه
الصادق :
بعد الشيب عمتني ونفسي مده قرحَّه
عُقب الليله عــادت للأذى البِسرحَّه
درعات القنوب بعد القلب صـارحه
مجبورين علي نـــار دقمه ندرحَّه
ودشوراني :
قلبي الليــــله منطقة القوافي فتحَّه
فــوق الاريل القمَّح كـــلابي شرحَّه
يا عوض الســلاحو الآن كبادي جرحَّه
خدو وسيم وروبتو على الكتـوف لفحَّه
الصادق :
العين ساقده بلحيل وقاسي نصحَّه
لبيع القامه في سهر الليالي دفحَّه
رب العزه في سابع السماوي رفحَّه
روَّق ذهنها وفطنها مـــاصفحَّه
ودشوراني :
وا أسفاي علي صبري الضِعفلو وشحَّه
سببو العارضه فوق شتم النحاس القحَّه
الخـــــــلاَّقه ليَّن طبعها وسمحَّه
زوله فدورة الــنوق في العجيج قمحَّه
الصادق :
تقيلة المجلس المن القبـــيح تسحَّه
من حر شوقه قلبي ينوح ودوفي إتلحَّه
الخلاني القــــايله فيكي ما بسمحَّه
مقطوع النصــيب بيك نفسو مامتحَّه
ودشوراني :
لهجك كُلمة الحنى السبيطه تفحَّه
أندى نداكي يالشتله أُم أدوباً نحَّه
الخلانه خِلَقِك بالشُكُر نمـــدحَّه
أردافك فلو وقدمـك تقيل ما رحَّه
الصادق :
إنتي فريدة العصر ونخـيل الشبره
شوفتك تذهِب الهم والليالي الغبره
بي فر براطمك وقــامتك المنتبره
أحيتيلي نـــار قُبره البتوقِد كَبره
ودشوراني :
البارح نسيم ريحــاً طلق من جبره
ذكَّر عقلي لي ود العنانــيس هبره
آح من فلانه وجرحها المــا بيبره
قلبي عليها ناح بعد اليقين والصبره
الصادق :
أخُش في مكتب الريِّس وأصُد بالعبره
أنا يا دُقمه طشَّت روحي مي منخبره
الخلاني أتختره النصيـــحه وأبره
ياقوت الحضيري الوازنو مية عبره
ود شوراني :
أرض الله الوسيعه علي بقت منشبره
من لهطي وتِقِربني كل صاحب يبره
عارفك يالظهــورِك مي رديه ودبره
فقدك أحرَّ من سم أب لـــدغةً نبره

الصادق :
راسيه وأديبه وعندك فوق ندايدك فوت
وضربك للعشوق كليح سيوف مو سوط
ناس دُقمه متلي مهددين بالمــــوت
زي كورة الهلال شــاتت قلوبُن شوت
ودشوراني :
مرجان الجواهر وفاخر الـــياقوت
غير حلاته زينة عينو ليَّ تفـــوت
الحويتو جاه بدوي الزيارتو سـبوت
شيخة كُل عارض ومن شلوخه ستوت
الصادق :
ياعوض الجســوم إتعودَّن لبلاهن
ميدان العصُر وعُقب القلوب قالأَّهن
بدر الكون كُبس الظلام ضــواهن
العال والوسط فاز بالجمـال خلاهن
ودشوراني :
سبيك الخيل ظبي القفَّرن بخــلاهن
راح يخرِّب شروط التوبه من منشاهن
فليج بسمها العُقد القلوب حـــلاَّهن
السما والأرض يا دقمه فوقنا كـفاهن
[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kahlzaidan.my-goo.net
يوسف كيكل
Admin


عدد المساهمات: 83
السٌّمعَة: 0
الموقع: السودان
تاريخ التسجيل: 16/03/2010
العمر: 34

مُساهمةموضوع: رد: دوبيت ومسادير البطانه   الأحد سبتمبر 26, 2010 12:48 am

شغبة المرغومابيه
من قبيلة المرغوماب الكواهله وهي بدوية في نشأتها تزوجت من فارس اسمه ( ود أقلش ) وقد مجدت شعبها كثيراً في شعرها كانت إمرأة فارسه وقد برعت في تصوير حروب الشكرية مع الكواهله ولكنها اول إمرأة تهجو إبنها لانهو يميل للسلم ولا يحب الحروب ولم ياتي لها من حرب وهو جريح وقد كانت تقول له ( فكي خلوة ) فقد قالت له
ياحسين أنا أمك وأنت ماك ولدي
بطنك كرشت غي البنات ناسي
ودقنك حمست جلدك خرش مافي
لاك مضروب بحد السيف نكمد في
ولا مضروب بلسان الطير نفصد في
متين ياحسين اشوف لوحك معلق
لا حسين كتل لا حسين مفلق
لا حسين ركب للفي شايتو غلق
قاعد للذكاة ولقيط المحلق
وفي احدي المعارك بقيادة زوجها وقد قتل زوجها في تلك المعركة فقالت فيه
نوح من دا الخراب
ود أقلش ميح بالركاب
عجب عيني بياكلنو الكلاب
وعندما توفي ود نواي فارس المرغوماب وزوجها فقد ابدعت في قولها
راحوا النيرين تلو البماسحو الكيل
ود نواي كتل فارس التقيله أم حيل
ود أقلش يكفي لي هوايد الليل
شغبه وين تقبل بي كبدة الفيل
وفي احدي المعارك كانت شغبة تتابع فارساً من الأعداء وقد اعجبت به وبقتاله وعدم استسلامه وبعد ان فتحت بطنه حمل احشائه في يده وواصل القتال حتي مات فقالت فيه شغبه
ماببكيك وجاهه ولا بكابر بيك
يالفاح مصارينك فوق جرايد أيدك
يالفارس المتل حب العروس عينيك
علامات الاسد المربعن جميعين فيك
وستظل هذه المرأة رمزا من رموز الشعراء السودانيين ورمزا للمرآه السودانيه
ولكم الشكر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kahlzaidan.my-goo.net
يوسف كيكل
Admin


عدد المساهمات: 83
السٌّمعَة: 0
الموقع: السودان
تاريخ التسجيل: 16/03/2010
العمر: 34

مُساهمةموضوع: رد: دوبيت ومسادير البطانه   الثلاثاء أكتوبر 05, 2010 10:26 am

[size=16]مسدار القميريه للفرجوني

[size=16]
الليلة البلوم اصبح يقوقى وينوح
وميزان قلبى اصبح من بكانو مفوّح
على بـهماً لِوَيِّنْ بى النتيل مِسَّوِّح
لى شوفتو بترد الروح بعد ما تروّح

الليلة البلوم طربان يقوقى ويصيّح
والعاشق ينوح لامن صباحو يبيّح
عناب الحجاز فدّع غصونو بميّح
ترا الحارق حشانا ولى قلوبنا مسيّح

يا قميرية نغمات الغارم زيديهن
وسوى القوق ونماتك عقب رديهن
على بهم النديمات القفر واديهن
ليهو سلامى والشوق يا أم جناح وديهن

انزلى فوق فريع قبل الفريق يا نايحة
كترى في الطنين متل الحوارة الرايحة
مربوعة بنات لينة ورطيبة ومايحة
قوليلا السلام ليك يا أم ضفيرة سايحة

قوليلا العشوق تعبان اذاهو مطوّل
يات من شافو اصبح في العليه متهوّل
عشان عينيك مبارى البى القفار متجوّل
لاكين لى الممات من عهدو مو متحول

كل ما شاف برق في القبلة يشلع وجّة
يتقافى المنام من عينو ياخد لجّة
نيران الجحيم ليهو في الفراش منفجة
دكتور الغارم مع اهلو عامل حجّة

قال مرضان هواك لى شفاهو مافى طريقة
في كبدو الحراب في جوفو باقة حريقة
قط ما ليه علاج من غير يقرطع ريقا
والا يمددوهو ويمسحوه بى عريقا

طارت منى قمرية المحبة وقفّت
نافضاهن على بلد الحبيّب خفّت
براى خلتنى زى جاهلا يتيم اتلفت
تقطر عينى بى الدمعة الروية الصفت

قمزت وصفقت وضربت هوايا فوق
وخلست بى رشيشا اصلو مو ملحوق
نافضاهن قلب والداً رؤوف وشفوق
شاهد في المنام دم الصغير مدفوق

قط لا اتصددت لا اتصنتت لى قوق
وسوّت لى الهبوب لفحى الهدم مشقوق
هوّت بى صقيعا منطرح واقوق
في شوفو البعير متل الخلال مدقوق

الصقر المضر لا حسب لا راعى
لى مركب غرامى الجبدولها شراعا
شافا وانعدل ختف الجناح بسراعا
واتجمع تقول حرحافا ماضى ضراعا

يا صقر السواد عينك تشوف الابرة
يخرخر ماها جدول لا تطيب لا تبرى
جناحك بى حديد شركا سريع في الهبرة
يردخو لى الكتف ردخا منافى الجبرة

علّق فوق تقول نجمة وهجع شاتيها
جاها مخوى متل الصاقعة متواتيها
هيّق لى الكفت لاكين وقع خاتيها
قيّع وانعدل عقان سبح بى تيها

حست بى هواهو اتدلدمت وانصرت
وانبرمت متل مترار فلانة الترت
هوّت بى الصقيعة تقول نجمة خرّت
وخوّت جو تقول طنوب وجيبة درّت

غتسن في السماء وقطعن سبيبة الشوف
عقب ادنقسن لى الأرض بسون فوف
بجمّع عليها بشوف حمار الدوف
وهى بتنصرّ منو غادى تسو رحيل الخوف

كبدو انسل دم داير يقصّر قيدا
وهى بقت تحوّت في المِكَر رِقِّيدة
من ربط الحبيل تب فضلتلو عِقيدة
مقطوع النصيب دخلت طريدتو عَقيدة

نزلت في كتيرا اتركبت في فروعا
كلها تترجف من السفر والروعة
قالتلو القدام قالو البلد مضروعة
كان ما صب مطر ما تنبت المزروعة

غير اليوما تام قط ما بتموت لك صيدة
والبجدعها القدر قطعا حربتو تصيدا
معلوم في المقانص تربح الرصيدة
والنوم لى القماح أم الزرع حصيدة

علق يسوى جاك لامن شميشتو انجمعت
وضحكن من قماحو بروق قبلتو ولمعت
حنت لى القميرية سحيبة ماعت ودمعت
وكت الليل برد في الوعرة ناو انسمعت


طلعت فوق فريع من الهبوب لوّاج
وجدعت شوفا بى ضى البروق وجواج
رضيت بى سقط زيفة انطلق سوّاج
وقالت الزيفة اخير لى من اضافر اب عاج

كل الليل تهلع عدتو القمرية
من اب عاج مبيتة في مخافة وريا
قبل القبلة تشرب غبشتا البدرية
صبحت دارا خالية ترا السفر باكرية

حصّلت الفريق وديارو ساعة النافلة
نظرت في البنات من غير حفل والحافلة
لقت في محبوبتى كفل أم سبيبة الجافلة
وعنق اللريل وعيون الجدية الغافلة

نزلت فوق فرع سيالة تبكى تنين
مراتن تردد لك نغيمها حنين
مراتن تسوى القوق معاهو طنين
تطرى الزول حبيبا ليهو منو سنين

محبوبتى سمعت وفهمت نمة الغناية
ونظرت ليها بى عيون التملى تنايا
دميعة زى نداية مقدة متناية
قطرت بى الخديد متبعة مى وناية

قالت كيفن حالو يا قميرية
يبقى عليهو متل العلى حمة عضام نارية
بذّكرنى عند ساعة الهجعة ويقول يا ريا
والا خلاص نسانى وبقيت عندو ما مطرية

كل ما اطراهو يا قميرية ريشات فؤادى يفرن
تقول عقد انقطع يجرن دموعى يترن
قلبى مرات يجر مرات يقيف يتحرن
واحس بى تياب جمر فوق لى عضاى انشرن

يعلم خالقو يا قميرية قلبى بريدو
فكرى معاهو رحل شال المنام فوق ايدو
الشوق العلى زايد تملى جديدو
والريد العلى فات العبار تحديدو

روّحى ليهو يا قميرية واحكى الحاصل
قوليلو الشوق عليك ليل بى النهار متواصل
قوليلو المنام بقى بى السهر متفاصل
قوليلو كفاك نجيع عود لى ديارك واصل

روّحى سافرى يا قميرية والله يعينك
ومن عقب الطريق مولاى يبقى ضمينك
جمّعى في هواك من الشمال ويمينك
لامن توصلى سيد حياك وفيهو بتنوم عينك
[/size]
[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kahlzaidan.my-goo.net
يوسف كيكل
Admin


عدد المساهمات: 83
السٌّمعَة: 0
الموقع: السودان
تاريخ التسجيل: 16/03/2010
العمر: 34

مُساهمةموضوع: رد: دوبيت ومسادير البطانه   الثلاثاء أكتوبر 05, 2010 11:03 am

مسدار الصيد للشاعر الكبير الحاردلو

var bburl = ''; الشم خوخت بردن ليالي الحرة
والبراق برق من منا جاب القرة
شوف عيني الصقير بي جناحو كفت الفرة
تلقاها ام خدود الليلة مرقت بره

تعرف لي مشاهد الرقاد والفرة
فلاخ المصب بيه بتبين تِتْورَّا
فوق حيا فوق محل من الصعيد منجرة
شاحد الله الكريم ما تلقي فيه مضرة

أب عراق فتق قرنو المبادر شرا
الباشندي عمت مهشيشب الدرة
من النقرة كل حين فوق عيلو منصرة
ها الايام محاريها القليعة ام غرة

قدمت من هنا وبي أضانا سمعت كرَّة
فوق كرتوت شخيتيراً تِخَيِّن خرَّ
قلاتو الوهاط بي لشغة قبل ام حرَّة
يا باسط النعم تسقيها في ها المرَّة

بت المن قرين مرقن على الجبال
في بية وبلوس ما برجن الوبال
صفراً درعتن تدلى لا البهال
وبيضة شاش قرابيبن تريع البال

مرقن يامجيب لي جملة السعال
شاحدك تجمعن من مطبق الحلال
ما ينقص حساب الدرج ولو بي عجال
ونحن نجيب لهن في كل يوم منوال

من بيلا الصباح اتسربقن همال
والدوف فوق حقايبهن كترته جمال
الخور العطيش بلدا عزاز ورمال
ومدروك ما هو من حر النهار بكمال

عقبن ود دعول بجرن شفاقة عدال
ختمن مقرح الحربة الجبالو طوال
قلت امات قرود وردنة بالقبال
خِلَقاً كيف برمولن دمير حبال؟

من امات رميلة متركشات لا شمال
سمعن هدري لا قدام كرير واضلال
اشرحط بريقن لاح يشيل ولوال
وتيسن زاعلن باكر مع الشهلال

خلاهن رتوع في بقيل وخرجة نال
لامن دور الوادي السِّري سيال
فوق قمزوز طلع شاف في ملينتو زوال
وقلعة كو حفيرها لقالو فيها نعال

مطامنات هناك لام نهارن زال
وشرفن كلهن شمن دعاش اتعال
مابيات البلد دايرات حقو السروال
وصفاً متع الغناي قدر ما قال

في عاقب نهار سونلهن مرحال
وعينيهن خلقهن زرق بلا كحال
من ريح الحويل بقين دحين في حال
وديل ليمن على الناس المتلنا محال

جاهن منقلب وقتاً عصير وشفاف
وكاسب ليلو بيهن من صدف ماخاف
ديل الطبعهن دايم الأبد عياف
وفي نايط السروج لقين بقيلاً جاف

حجار المزار المن بعيد بنشاف
جرَّن فوقو اللي التعفر عاف
من عند المضيق مرقن هناك بسناف
ديل قسين على القوي والمتلنا ضعاف

لونن من بعيد متل البليلي نضاف
حُرْد ومعصرات من شبة الأكتاف
لي الناس البغنولن يجروا القاف
ماليات الخشم من كامل الأوصاف

اتنفضن من الغبش اب صهيب ناموس
وجن بين القصيرة وبين فريع قلبوس
سدر المرمي لقين رده مو مانوس
وطاحن من حقيقيصو المعيز ارموس

خلالهن على حجر الصفية حبوس
ولقى في الدهسريب قمبار وعرق فقوس
في المخلوقة شن تشبه معيز ام روس
غير الفي وريدن شولقن مرصوص

تيسن لي مراتيعن تملي بكوس
وديمة بقِلْ على البرق البشيل حرقوص
كم زولاً رقد فوق دربهن ممغوس
ومنو اتخلسن ما صيدن جاموس

قامن منهن اتنين مضاكرة تيوس
ولقين في السمير ختاً وجيع مكبوس
دمجاً أزرق مشاهدو مو معفوص
وخَّرَن منو في الميع المقامو البوص

أخدن فيه سبوع دورين حسابن تام
من أوديد بزاول شرفهن قدام
طلعن قوز كديس جاهن سقيط نمنام
وصلن حد بطانة مركز العدام

الهبريم طلع جاب الميع حوام
من شهر النفاس فضلن لهن أيام
انقلبن على القوز المقامو تمام
لونن بشبه البفت الجديد والخام

ديل الطبعهن دايماً خفاف وهمام
وفي سمير ودحريري مضقلات كل عام
قربن لي مواليد الرخيص وبعام
ومن عين البعاين سورة الأنعام

نون بالنجيع يا سابل الأكمام
اسبل سترك السابل على النيام
تيسن جك مغرب وبي الملاين حام
وجاهن وعافطنو وحيل سدوهن قام

من دعت السراويل قبلن دارتان
علي العشنوق لقن زوزاي وبي فارات
عسكر خاف عليهن في ضرا ميعات
وجاهن زاعلن بعد النهار ما فات

ختمن شابلك العارق التلات شدرات
مرقن فوق عزاز حمريبة ام سوبات
داشن لي الصباح ما لقنلهن مرحات
لامن لينن باكر على الطلحات

خلاهن على رد الفروخ بايتان
وفي المكفي الورى ام ميمون لقى ختيتات
متماسك سدوهن وبي الحدوب شاتات
وجاهن وعافطنو وجنو منحتات

ديل الديمة من رد الأنيس ناجعات
وكل حين فوق عليون نابي منجمعات
تيسن دور الوادي الورا القلعات
ضمر خلقة مو من قل المعاش ضايعات

خلاهن علي رد الدموكيات
قلع الفار سليباتو اتلقن باردات
قربن حضرنبو ولي النفاس دانيات
وفي دردور شدير ومعاه حمريبات

انحلن جناهن في ضرا نالات
لامن رضعنو وجف من السبيات
كم فوقن دقوناً ولفن قافات
وقالن دوبا ليهن والزمان الفات

الحي في الوجود والقالو قبلنا مات
كله بلاهي بي لهج الطريفيات
شن ما قلنا فوق دغس العيون ساويات
قبلي ود ابشوارب جابلهن نمات

يا باسط الأراضي والسبع سماوات
كل البدبي فوقن حافي وابنعلات
دغس العين تنجيهن من الآفات
لامن وخرن بيلا المعيز جامعات

مرقن من مطيبقات الخوي اب دنان
وهكعن فوق معالق الوادي ابو ريحان
شافن في السمير زولة وحيامت انسان
ونطحن ها القليع المسمى بالنسوان

وكت ادردقن بي مطبق الوديان
كلبي الشارعو فيهن جا منقلب هقلان
واتحير قعد ساكت بقيت محنان
يكتب لي لماهن ربنا المنان

تيسن جا منقلب من الرحيح ضبلان
من قفر بلداً بعيد قسيان
اب سعنة الرشيد لقينو خورو ملان
بتفلَّت علي نعناعو ليهو زمان

من الفجخا هبر خلالهن
لامن دور امات رميلة وجاهن
عند المتنا في عاقباً جديد لماهن
ختمن بيلة، فوق قلع البقر دلاهن

المعزة البجازن ديمة فوق في خلاهن
بالغات النصاب انصاري ما زكاهن
من ود البصير جايب اذن بي غناهن
شوفن يالزبير في لساني كيف محلاهن

من عوج الوقت ما بتركن وانساهن
فوق حيا فوق محل دايماً بجرو غناهن
ناس ابن الذريح ضربو المثل بي جناهن
ومن كل السوام سيدي الحسن يبراهن

قطعن ود دعول وادن قليعو قفاهن
جفلن من زوال شوفاً بعيد باداهن
ملزوم بي مراتيعن وخبرة ماهن
وصلنو المصب واتوكرن في ضراهن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kahlzaidan.my-goo.net
محمد ابراهيم حموده



عدد المساهمات: 2
السٌّمعَة: 5
تاريخ التسجيل: 09/10/2012

مُساهمةموضوع: رسالة شــــــكر   الثلاثاء أكتوبر 09, 2012 2:41 am

بســـم الله الذى أحسن كل شئ خلقه وبدأ خلق الانسان من طين
:::::::::::::::::
تحية واحــــــتراما أمــــا بعد :
يعــجز لسانى عن شكركم لأضافتى وقبولى فى هذا المنتدى الراقى
والذى يجســـد كبرياء البطانة وشموخها وعديد الثقافات
الفرح بكم بكمل والأحزان بتغيب
وفى جو البطانة كل شئ بطيــب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

دوبيت ومسادير البطانه

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الكاهلي زيدان ::  :: -